Қаңтарда Қазақстанда ауа райы қандай болады: синоптиктер болжам жасады

Синоптиктер қаңтар айына арналған консультативтік ауа райы болжамын жасады. Бұл туралы KAZ.NUR.KZ "Қазгдромет" РМК ресми сайтына сілтеме жасап хабарлайды.

Синоптиктер болжамынша, Қазақстан бойынша қаңтардың бірінші онкүндігінде ауа райын Атлантикалық циклондар қалыптастырады. Нәтижесінде ауа райы тұрақсыз болады.

Елдің солтүстік жартысында және республиканың оңтүстік, оңтүстік-шығыс, шығысының таулы аудандарында бұрқасын, кейде қатты қар болжанады, елдің оңтүстік жартысында жауын-шашын жылбысқы қар, жаңбыр түрінде күтіледі. Қазақстанның басым бөлігінде жел 15-20 м/с-дейін күшейеді, кейде екпіні 23-28 м/с жетеді, елдің солтүстік-батыс жартысында жел 30 м/с дейін және одан да көп болуы ықтимал.

Қаңтардың бірінші онкүндігінде:

• Қазақстанның батысында түнде -5...+2°С-тан -3...-12°С-қа дейін, күндіз -3...+5°С-тан 0...-8°С-қа дейін ауытқиды;
• республиканың солтүстік-батысында түнде 0...-7°С-тан -10...-20°С-қа дейін, күндіз -5...+2°С-тан -8...-13°С-қа дейін біртіндеп төмендейді;
• елдің солтүстігінде, орталығында, шығысында онкүндіктің басында ауа температурасы түнде -5...-13°С-тан 0...-8°С-қа дейін, күндіз -2...-8°С-тан -3...+2°С-қа дейін аздап жоғарылайды, содан кейін түнде ауа температурасы -10...-20°С-қа дейін, күндіз -5...-12°С дейін біртіндеп төмендейді;
• елдің оңтүстігінде және оңтүстік-шығысында түнде -8...+2°С, күндіз -3...+7°С шамасында, содан кейін түнде ауа температурасының -8...-15°С, күндіз -3...-10°С дейін төмендейді.

Оңтүстік циклондардың шығуы нәтижесінде ауа температурасы көтерілген кезде бірнеше қарқынды жылу толқындары болжанады:

• ҚР солтүстік жартысында күндіз -5...+2°С дейін,
• елдің оңтүстік жартысында және оңтүстік-батысында +2...+12°С дейін.

Ал солтүстік-батыс антициклонның енуіне байланысты бірнеше қарқынды суық толқындар болжанады, бұл күндері ауа температурасы төмендейді:

• солтүстік жартысында және ҚР орталығында түнде -25...-35°С дейін, күндіз -15...-25°С дейін,
• республиканың оңтүстік жартысында және оңтүстік-батысында түнде -12...-22°С дейін, күндіз -3...-15°С дейін.

Қаңтарда екпінді жел, тұман, көктайғақ жиі болжанады.

Ескерту: бір айға арналған болжамды консультативтік ретінде пайдалану керек, ол кейіннен синоптикалық жағдайдың өзгеруіне қарай түзетіледі және онкүндікке және 2-3 тәулікке арналған ауа райы болжамдарымен нақтыланады.