Қазақстанда алдағы күндері қалың қар жауып, 25 градусқа дейін аяз болады

Алдағы күндері Қазақстанда қалың қар жауып, боран соғып, 25 градусқа дейін аяз болады. Бұл туралы "Қазгидромет" РМК-ға сілтеме жасаған KAZ.NUR.KZ хабарлайды.

Синоптиктердің болжамынша, 7-9 қаңтар аралығында Қазақстанда ауа райы күрт өзгереді. 7 қаңтардан бастап республиканың басым бөлігінде ауа райы ылғал әсер етеді. Еліміздің солтүстік-батысында, солтүстігінде, шығысында және орталығында бұрқасын, өткінші қалың қар жауады деп болжанып отыр.

Сонымен қатар республиканың оңтүстік-батысында, оңтүстік және оңтүстік-шығыс облыстарында Түркістан облысының таулы аймақтарында жаңбыр, қар жауып, қатты жауын-шашын күтіледі.

"8 қаңтарда түнде ауа температурасы күрт төмендеп, түнде республиканың солтүстік жартысында -15...-25 градус аязға дейін, оңтүстік жартысында -5...-15 градус, Алматы облысының таулы аймақтарында және Жетісу өңірінде -20...-25 градус аяз болады.

9 қаңтарда күндіз ауа температурасы қайтадан жоғарылайды: республиканың солтүстік жартысында 0...-5 градус аяз болса, оңтүстік жартысында 0...+5 аяз күтіледі", - делінген хабарламада.

Сонымен қатар Қазақстанда жел күшейіп, тұман түсіп, көктайғақ болады.

Мәтіннен қате тапсаңыз, бізге жазыңыз