Шымкентке "Жібек жолы" туристік пойызы келді
Жарияланған күні:
Шымкент қаласына "Жібек жолы" туристік пойызы келді. Самарқанд қаласынан келген пойыз ары қарай Алматы қаласына жол тартады, деп хабарлайды Otyrar.kz.
Қазіргі уақытта үшінші мегаполиске табан тіреген 115 турист қаланың мәдени нысандарын аралауда. "Қазақстан темір жолы" ҰК ұйымдастырған бұл жоба 5 күнге созылады.
"Бұл енді бастамасы. Бұл пойыз Шымкент қаласына бірінші рет келді. Ары қарай да ай сайын туристік пойызды Шымкент қаласында күтіп алуға дайынбыз.
Келген қонақтарға туристік маршрут дайындалды", - дейді Шымкент қаласы туризм, сыртқы байланыстар және креативті индустрия басқармасының басшысы Бексұлтан Әділханов.
Мақаланың түпнұсқасы: https://kaz.nur.kz/society/2208825-shymkentke-zhibek-zholy-turistik-poiyzy-keldi/
