Астанада жасөспірім көшеде ойыншық қару ұстап жүрген
Жарияланған күні:
9 қаңтарда елорданың Мұхамеджанов көшесінде қолына қаруға ұқсас зат ұстаған адам жүр деген хабарламадан кейін жасөспірім ұсталды. Бұл туралы ақпарат Polisia.kz сайтының Telegram-дағы арнасында пайда болды.
Тексеру барысында оның қолындағы зат желі арқылы сатып алынған страйкболға арналған қару макеті болып шыққаны анықталды.
"Жасөспірім жоспарланған ойынның болмайтынын білгеннен кейін үйіне қайтып бара жатқанын айтты. Полицияға жасөспірімнің заңды өкілдері шақырылды. Тексеру жүргізілуде", - делінген хабарламада.
Мақаланың түпнұсқасы: https://kaz.nur.kz/society/2209995-astanada-zhasospirim-koshede-oiynshyq-qaru-ustap-zhurgen/
