Екі өңірде республикалық маңызы бар автожолда көлік қозғалысына шектеу қойылды

Күн райының бұзылуына байланысты еліміздің екі өңірінде көлік қозғалысына шектеу қойылды. Бұл туралы ҚазАвтоЖол компаниясы Telegram-дағы ресми арнасында хабарлады.

Атап айтқанда, Ақмола облысында 20 қаңтар сағат 17:00-де ауа райының бұзылуына байланысты "Астана-Петропавл" автожолының 18-232 шақырым аралығындағы учаскесінде, яғни Астана қаласы - Щучинск қаласы аралығында көліктің барлық түрінің қозғалысына шектеу қойылады.

Жолды 2025 жылғы 21 қаңтар сағат 07:00-де ашу жоспарланған.

Сондай-ақ "Астана-Ерейментау-Шідерті" автожолының 16-200 шақырым аралығындағы учаскесі (Астана қаласынан Павлодар облысының шекарасына дейін) автокөліктің барлық түрі үшін жол қозғалысына шектеу қойылды.

Одан бөлек Павлодар облысына қарасты "Астана-Ерейментау-Шідерті" автожолының 200-254 шақырым аралығындағы учаскесі, яғни Ақмола облысының шекарасынан Шідерті ауылына дейін жол қозғалысына шектеу бар.

Жолды 2025 жылғы 21 қаңтар сағат 07:00-де ашу жоспарланған.

Мәтіннен қате тапсаңыз, бізге жазыңыз