Полицейлер астаналықтарға қаладан шықпауға кеңес берді

Астана полициясы қала тұрғындары мен қонақтарына қала сыртына шықпауға кеңес береді. Елордада боран соғып, жолдар жабылып жатыр, деп хабарлайды KAZ.NUR.KZ Астана қалалық полиция департаментінің баспасөз қызметіне сілтеме жасап.

Ауа-райының нашарлауына байланысты елордалық полиция департаменті жүргізушілерге жолда өте сақ болуға және көру мүмкіндігінің төмендеуін ескеруге шақырады.

"Жеке көлікпен саяхаттау кезінде ауа-райының нашарлауы және қозғалыс шектеулері (көктайғақ, боран және т.б.) туралы хабарламаларды ескеру қажет. Кенеттен маневр жасаудан аулақ болу керек, алдыңғы көлікке дейінгі қашықтықты әдеттегіден бір жарым-екі есе артық ұстау керек. Елорда тұрғындары мен қонақтарын қала сыртына шығудан бас тартуды сұраймыз. Сақ болыңыз! Өзіңізге және жақындарыңызға қамқорлық жасаңыз!", - дейді ПД өкілдері ведомствоның Instagram-дағы ресми-парақшасында.

Сондай-ақ полиция департаментіндегілер Астана-Павлодар, Астана-Көкшетау, Астана-Қарағанды, Астана-Қабанбай батыр (Қосшы) жолдары жабық екенін еске салады.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз