Air Astana өкілдері Жидда мен Мәдинаға сапар шегетін жолаушыларға үндеу жасады
Опубликовано:
Air Astana әуекомпаниясының өкілдері Жидда мен Мәдинаға сапар шегетін жолаушыларға үндеу жасады, деп хабарлайды KAZ.NUR.KZ.
"Жидда мен Мәдинаға сапар шегетін жолаушылар назарына! 10 ақпаннан бастап умра мен қажылыққа баруға ниетті 1 жастан асқан барлық жолаушының менингококк инфекциясына қарсы егу сертификаты болуы керек", - делінген әуекомапияның Telegram-арнасында жарияланған хабарламада.
Вакцинацияға қойылатын талаптар:
- Менингококқа қарсы төрт валентті (ACYW-135) полисахарид вакцина кейінгі 3 жыл ішінде және Жидда, Мәдинаға келерден кемінде 10 күн бұрын салынған болуы керек.
- Немесе менингококкқа қарсы төрт валентті (ACYW-135) конъюгаттық вакцина кейінгі 5 жыл ішінде және қалаға келерден кемінде 10 күн бұрын салынған болуы керек.
Әуекомпания өкілдері қосымша ақпаратты Сауд Арабиясы Денсаулық сақтау министрлігінің ресми сайтынан алуға болатынын атап өтті.
Естеріңізге сала кетсек, былтыр Шымкенттен Жидда және Мәдина қаласына тұрақты тікелей рейстер ашылған болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2218107-air-astana-okilderi-zhidda-men-madinaga-sapar-shegetin-zholaushylarga-undeu-zhasady/