Астанадан шығатын жол уақытша жабылды

"ҚазАвтоЖол" компаниясы ауа райының қолайсыздығына байланысты "Астана-Петропавл" тас жолының бір бөлігі жабылатынын ескертті деп, хабарлайды компанияның баспасөз қызметіне сілтеме жасаған KAZ.NUR.KZ.

"2025 жылғы 13 ақпан сағат 07:00-де Ақмола облысында ауа райының бұзылуына байланысты "Астана-Петропавл" автожолының 18-232 шақырым аралығындағы учаскесінде (Астана қ. - Щучинск қ.) көліктің барлық түрінің қозғалысына шектеу қойылады.

Жолды 2025 жылғы 13 ақпан сағат 17:00-де ашу жоспарланған", - делінген компания хабарламасында.

Ауа райының нашарлауына байланысты Төтенше жағдайлар министрлігі қауіпсіздік шараларын сақтауды сұрап отыр:

Шалғайға көлікпен жолға шығудан немесе жаяу жүруден бас тартыңыз, әсіресе қараңғы уақытта. Ауа райы мен жолдың жабылуына қатысты ақпараттан үнемі хабардар болыңыз.