БҚО-да ұшқышсыз ұшатын аппаратқа ұқсайтын белгісіз зат құлады

18 ақпан күні сағат 23:00-де Бөкейорда ауданы Ұялы ауылының аумағында беймәлім ұшатын аппарат табылған, деп хабарлайды "Мой город" басылымы.

Басылымның жазуынша, оны жергілікті тұрғындар көрген. Нысанның ұзындығы 120 метр. Оқиға орнында полиция мен құтқарушылар жұмыс істеген.

"Бұл хабарламаға сурет те қоса жарияланған. Іздеу жүйелеріндегі ақпаратқа сай бұл франциялық "Sagem" компаниясы жасап шығарған "Crecerelle" ҰҰ аппаратына қатты ұқсайды", - деп жазады басылым.

Аталған жайтқа полиция пікір білдірді.

"Ұшқышсыз ұшатын аппаратқа ұқсас заттың құлауына байланысты полиция Бөкейорда ауданының Ұялы ауылы маңында өзге өкілетті орган өкілдерімен бірге тексеру жұмыстарын жүргізіп жатыр", - деп хабарлады кейінірек Батыс Қазақстан облыстық полиция департаментінің баспасөз қызметінен.

Мәтіннен қате тапсаңыз, бізге жазыңыз