Қарақат Әбілдина, Бибігүл Жексенбай: мерекеге орай Тоқаевтан мемлекеттік награда алған танымал тұлғалар кім

Бүгін, 7 наурызда қоғамдық қызметке cіңірген еңбегі, мәдени дамуына қосқан елеулі үлесі бірқатар танымал адамдар "Парасат" орденімен марапатталды, деп хабарлайды KAZ.NUR.KZ Ақордаға сілтеме жасап.

Атап айтқанда, "Парасат" ордені Астанадағы "Қарақат" мектеп-студиясының бас директоры, әнші Қарақат Әбілдинаға берілді.

Сондай-ақ парламент сенатының депутаты, журналист, тележүргізуші Бибігүл Жексенбай, мәжіліс депутаты Айгүл Құспан "Парасат" орденінің иегері атанды.

Осы орденмен Абай облысындағы Әміре Қашаубаев атындағы мемлекеттік филармониясының әншісі-әртісі Гүлдана Ноғайбаева марапатталды.

Еске сала кетейік, мемлекет басшысы Қасым-Жомарт Тоқаев 8 наурыз – Халықаралық әйелдер күні қарсаңында бірқатар әйел қауымын мемлекеттік наградалармен марапаттады. Олардың қатарында 4 еңбек ардагері, 19 жұмысшы маман мен кәсіпорын еңбеккерлері, 14 денсаулық сақтау, білім беру, ғылым және мәдениет саласының қызметкерлері, 6 кәсіпорын басшысы, 3 қоғамдық ұйым өкілі, 7 мемлекеттік қызметкер, 6 құқық қорғау, арнаулы және бақылаушы органдарда, әскер қатарында еңбек ететін қызметкерлер бар.