Қазақстандықтар Наурыз мейрамына орай қанша күн демалады

Бір аптадан кейін елімізде Ұлыстың ұлы күні – Наурыз мейрамы тойланады. Мейрамға орай, ел тұрғындарын қосымша демалыс күндері күтіп тұр, деп хабарлайды KAZ.NUR.KZ.

Жылда елімізде Наурыз мейрамы 21-23 наурыз аралығында тойланады. Биыл 22, 23 наурыз сенбі және жексенбіге түсіп тұрғандықтан, демалыс күндері 24 және 25 наурызға (дүйсенбі және сейсенбіге) ауыстырылады.

Осылайша, бес күндік жұмыс істейтін қазақстандықтар 21, 22, 23, 24, 25 наурыз күндері, ал алты күн жұмыс істейтін тұрғындар 21, 22, 23, 24 наурыз күндері демалады. Сейсенбі, 25 наурыз олар үшін жұмыс күні болып саналады.

Айта кетейік, Наурыз мейрамы 2024 жылдан бері жаңа форматта тойланады. Мейрамға орай іс-шаралар елімізде 14-23 наурыз аралығында өтеді. Бұл кезең Қазақстанда "Наурызнама" деп аталады.

Мәдениет министрлігінің мәліметінше, онкүндіктің әр күні еліміздің мәдени байлығы мен ерекшелігін көрсететін белгілі бір тақырып пен құндылықтарға арналады.

"Наурызнама" халықтың тұрмыс-тіршілігі көрінетін барлық салалны қамтиды. Мәселен, қайырымдылық пен мәдени іс-шаралардан бастап, ұлттық дәстүрлер мен экологиялық акцияларға дейін ұйымдастырылады.