Қазақстан елшілігі Түркияда жүрген ел азаматтарына үндеу жасады

Қазақстанның Түркиядағы елшілігі мен консулдықтары республика азаматтарын қазіргі жағдайға байланысты қауіпсіздік шараларын сақтауға үндеді, деп хабарлайды KAZ.NUR.KZ ведомствоның ресми сайтына сілтеме жасап.

Елшілік қазақстандықтарды Стамбұлдағы жағдайға байланысты халық көп жиналатын орындарға бармауға, шерулер мен митингілерге қатысудан бас тартуға, күшейтілген қауіпсіздік шараларын сақтауға, қырағылық пен сақтыққа, жаңалықтарды қадағалап, биліктің нұсқаулықтарын орындауға шақырды. Сондай-ақ Қазақстанның Түркиядағы дипломатиялық өкілдіктерімен байланыста болуға кеңес берді.

Сонымен қатар Қазақстан елшілігі желіде демонстрациялар (митингтер) туралы ақпаратты және қазіргі оқиғаларға қатысты жеке баға беру мен пікір таратудан аулақ болу маңызды екенін атап өтті.

Қазақстанның Түркиядағы елшілігі сол елдегі өкілдіктерінің жедел желі телефондарын ұсынды:

1. Қазақстан Республикасының Анкарадағы Елшілігі: +905352734496

2. Қазақстан Республикасының Ыстанбұлдағы Бас консулдығы: +905012621465

3. Қазақстан Республикасының Анталиядағы Бас консулдығы: +905394400522

4. Қазақстан Республикасының Измирдегі Бас консулдығы: +905530998789

Еске сала кетейік, халық бірнеше күннен бері Стамбұл мэрі Экрем Имамоғлының сыбайлас жемқорлық жасап, лаңкестік топтарға көмектесті деген айыппен қамауға алынуына наразылық білдіріп жатыр.

Түркия президенті Режеп Тайып Ердоған жетекші оппозиция қайраткерінің тұтқындалуынан кейін елде қарқын алып жатқан наразылық толқынын қолдамайтынын мәлімдеді. Жұма күні сөйлеген сөзінде Ердоған үкіметтің "вандализмге" немесе "көше террорына" "көнбейтінін" және қоғамдық тәртіпті бұзуға жол бермейтінін айтты.

23 наурызда Түркия соты жемқорлық бабымен күдікке ілінген Стамбұл мэрі Экрем Имамоғлыны қамауға алу туралы шешім шығарды.

Онымен бірге 106 адам тергеліп жатыр. Олардың барлығы ауқымды операция барысында ұсталды.