Жамбыл облысындағы 5 балдық жер сілкінісі: теміржол өтпелері мен көпірлер тексерілді
Жарияланған күні:
Жамбыл облысындағы жер сілкінісінен кейін жасанды құрылыстарға еш зақым келген жоқ. Бұл туралы "ҚазАвтоЖолдың" баспасөз қызметіне сілтеме жасаған KAZ.NUR.KZ хабарлайды.
"ҚазАвтоЖолдың" мәліметінше, Жамбыл облысының аумағында болған жер сілкінісінен кейін жолшылар инфрақұрылымның жай-күйін шұғыл тексеріп шыққан.
Мамандар Меркі және Т.Рысқұлов аудандарындағы 5 жолайрық, 2 теміржол өтпесі мен 3 көпірді мұқият тексеріп, көлік қозғалысының қауіпсіздігіне көз жеткізген.
Айта кетейік, 28 наурызда 03:42-де Жамбыл облысында жер сілкінді. Жер сілкінісінің ошағы Қазақстан аумағында, Алматы қаласынан оңтүстік-батысқа қарай 323 км жерде орналасқан.
Жер сілкінісі Тараз, Шу қаласы мен бірақтар ауданда сезілген. Әсіресе Меркі (күші 5 балл), Құлан аудандарында (4 балл) қатты сезілген.
Кейін тұрғындар түнде болған жер сілкінісінің видеосын бөлісті.
Жамбыл облысының әкімдігінің өкілдері жер сілкінісінен кейін өңірдегі кей ғимараттардың қабырғасында жарық пайда болғанын хабарлады.
Мақаланың түпнұсқасы: https://kaz.nur.kz/society/2231207-zhambyl-oblysyndagy-5-baldyq-zher-silkinisi-temirzhol-otpeleri-men-kopirler-tekserildi/
Жарияланымға реакцияңыз?
Пікірлер жүктелуде