"Жаңбыр, жел, найзағай": Қазақстанда сәуір айында ауа райы қандай болады

Синоптиктер сәуір айында елімізде ауа райы қандай болатынын болжады, деп хабарлайды "Қазгидромет" РМК-ға сілтеме жасаған KAZ.NUR.KZ.

Метеорологтардың мәліметінше, сәуірде ауа температурасы одан әрі жоғарлайды.

Сәуірдің бірінші онкүндігінде еліміздің солтүстік жартысында түнде жауын-шашын түсіп, жаңбыр қарға ұласып, көктайғақ болуы мүмкін. Сондай-ақ күндіз де жаңбыр жаууы ықтимал. Оңтүстік аймақтарда жаңбыр, найзағай күтіледі.

Сонымен қатар республика бойынша жел күшейіп (15-20 м/с-қа дейін), түнгі және таңертеңгі сағаттарда тұман түсуі мүмкін.

Бұдан бөлек, ауа температурасының ауытқуы күтіліп отыр:

• елдің батысында түнде +8+13°С-тан -3+8°С-қа дейін, күндіз +18+25°С-тан +11+16°С-қа дейін, оңтүстік-батыста кей күндері күндіз ауа темпераурысы +20+28°С-қа дейін;
• солтүстік-батыста, солтүстікте, орталықта, шығыста түнде -5+5°С-тан +3+8°С-қа дейін, күндіз +8+13°С-тан +15+22°С-қа дейін;
• республиканың оңтүстігінде түнде +2+10°С-тан +10+15°С-қа дейін, күндіз +18+25°С-тан +25+30°С-қа дейін;
• республиканың оңтүстік-шығысында түнде -5+5°С-тан +7+12°С-қа дейін, күндіз +12+20°С-тан +18+27°С-қа дейін көтеріледі.

Сәуірдің екінші онкүндігінде еліміздің солтүстік жартысында жаңбыр, қар жауады деп күтілсе, үшінші онкүндікте негізінен жаңбыр жауады деп болжанып отыр.

Елдің басым бөлігінде ауа температурасының түнде +5+13°С-тан -3+5°С-қа дейін, күндіз +15+25°С-тан +8+13°С-қа дейін ауытқуы күтіледі.

Оңтүстік өңірлерде және республиканың батысында күн +23+32°С-қа дейін жылынады, бірақ кей күндері ауа температурысы +10+18°С дейін салқындайды.

Мәтіннен қате тапсаңыз, бізге жазыңыз