ТЖМ Өртке қарсы қызмет комитетіне жаңа төраға тағайындалды
Жарияланған күні:
Төтенше жағдайлар министрінің бұйырығымен азаматтық қорғау полковнигі Ерлан Төрегелдиев ТЖМ Өртке қарсы қызмет комитетінің төрағасы болып тағайындалды, деп хабарлайды KAZ.NUR.KZ.
Ведомствоның ресми сайтындағы мәліметке сүйенсек, Ерлан Төрегелдиев 1980 жылы Семей қаласында дүниеге келген.
Шәкәрім атындағы Семей мемлекеттік университетін және ТЖМ Көкшетау техникалық институтын бітірген.
Азаматтық қорғау органдарында қызметін 2005 жылы Шығыс Қазақстан облысы Төтенше жағдайлар саласындағы мемлекеттік бақылау және қадағалау басқармасының Курчатов қаласы Төтенше жағдайлар саласындағы мемлекеттік бақылау және қадағалау бөлімінің инженері лауазымынан бастады.
2020 жылға дейін Шығыс Қазақстан және Батыс Қазақстан облыстарындағы ТЖМ бөлімшелерінде жұмыс істеді.
2020 жылдан бастап ТЖМ Өртке қарсы қызмет комитетінің Мемлекеттік өртті бақылау және өртке қарсы нормалау басқармасын басқарды. 2024 жылдан бастап осы комитет төрағасының орынбасары қызметін атқарды.
Мақаланың түпнұсқасы: https://kaz.nur.kz/society/2232497-tzhm-ortke-qarsy-qyzmet-komitetine-zhanga-toraga-tagaiyndaldy/
Жарияланымға реакцияңыз?
Мұнда әзірге ешкім пікір қалдырмады Тағы да оқыңыздар
Талқылауға қатысу немесе пікірлерге реакция қалдыру үшін профиліңізге кіріңіз.