Тұман, көктайғақ, жауын-шашын: демалыс күндері елімізде ауа райы қандай болады

Алдағы демалыс күндері Қазақстанның басым бөлігінде ауа райы тұрақсыз болады. Кей жерлерде найзағай ойнап, жаңбыр жауады, деп хабарлайды "Қазгидромет" РМК-ға сілтеме жасаған KAZ.NUR.KZ.

Синоптиктердің болжамынша, 5 сәуірде республиканың солтүстігінде, шығысында, орталығында, қар мен жаңбыр түрінде жауын-шашын түседі.

Сондай-ақ еліміздің оңтүстік-шығысындағы таулы аймақтарда да жауын-шашын күтіледі. Таулы аймақта кейде қатты жауын-шашын болуы мүмкін.

6-7 сәуірде елдің батысында, солтүстік-батысында, орталығында, оңтүстігінде, оңтүстік-шығысында қатты жаңбыр жаууы ықтимал.

Сонымен қатар Қазақстан бойынша тұман түсіп, жел күшейіп, 5 сәуірде түнгі уақытта солтүстікте, шығыста, орталықта көктайғақ болуы мүмкін.

Айта кетейік, бұған дейін синоптиктер сәуір айында Қазақстанда ауа райы қандай болатынын болжаған еді.