Еріген қар суы: Ақмола облысындағы автожолда көлік қозғалысы шектелді
Жарияланған күні:
Ақмола облысында қардың еруі салдарынан "Көкшетау-Атбасар" автожолының бір бөлігін су басып, жол жабылды, деп хабарлайды "ҚазАвтожол"-дың Telegram-дағы ресми арнасына сілтеме жасаған KAZ.NUR.KZ.
Ведомство хабарламасына сай, бүгін аталған автожолдың бір бөлігін еріген қар суы алып кеткен. Соған байланысты көлік қозғалысына шектеу қойылған.
"2025 жылғы 6 сәуір сағат 11:00 шамасында Ақмола облысында "Көкшетау-Атбасар" автожолының 103-184 шақырым аралығында (Балкашино ауылы- Атбасар қаласы) қар еру салдарынан жол бөлігін су алуына байланысты көліктің барлық түрінің қозғалысына шектеу қойылды", - делінген хабарламада.
Мақаланың түпнұсқасы: https://kaz.nur.kz/society/2233511-erigen-qar-suy-aqmola-oblysyndagy-avtozholda-kolik-qozgalysy-shekteldi/
