Жыл сайынғы марафон: Алматыда 20 сәуірде кейбір көшелерде көлік қозғалысы уақытша шектеледі

Алматыда 20 сәуірде Almaty Half Marathon-2025 жарысы өтеді. Осыған байланысты кейбір көшелерде көлік қозғалысы уақытша шектеледі. Бұл туралы өңірлік коммуникациялар қызметіндегі баспасөз конференциясында айтылды, деп хабарлайды KAZ.NUR.KZ.

Almaty Half Marathon-ға биыл 40-тан астам елден 10 000 қатысушы келді деп күтіліп отыр.

Жарыстың басталуы сағат 07:00-де Тұңғыш президент саябағында өтеді. Одан әрі маршрут әл-Фараби даңғылымен өтіп, орталық стадионда (Сәтпаев көшесі, 29/3) аяқталады.

Осыған байланысты 20 сәуір күні таңертең кейбір көшелерде көлік қозғалысы уақытша шектеледі:

00:00–11:00 аралығында әл-Фараби даңғылының солтүстік жағы – Мұстафин көшесінен Навои көшесіне дейін жабылады. Оңтүстік жағы ашық қалады.

06:45–09:30 аралығында әл-Фараби даңғылының солтүстік жағы – Мұстафиннен Назарбаевқа дейінгі бөлігі жабылады.

07:10–08:30 аралығында Сейфуллин даңғылы — әл-Фарабиден Абайға дейін толықтай жабылады.

08:30–11:00 аралығында Абай даңғылының оңтүстік жағы – Саиннан Байтұрсыновқа дейін жабылады. Солтүстік бөлігі ашық болады.

07:20–09:00 аралығында Абай даңғылының оңтүстік жағы – Сейфуллиннен Байтұрсыновқа дейінгі бөлігі жабылады.

08:20–10:00 аралығында Саин көшесінің шығыс жағы – әл-Фарабиден Абайға дейін жабылады. Батыс жағы ашық болады.