Үсік жүріп, жел тұрады: Қазақстанның басым бөлігінде дауылдық ескерту жарияланды

24 сәуір күні Қазақстанның 16 өңірі мен Астанада дауылдық ескерту жарияланды, деп хабарлайды "Қазгидромет" РМК.

Астанада түнде топырақ бетінде 1 градусқа дейін үсік жүреді.

Алматыда күндіз найзағай ойнайды.

Абай облысында түнде және күндіз найзағай күтіледі, түнде және таңертең оңтүстікте тұман. Желдің бағыты ауысып, солтүстік-шығыстан соғады, екпіні 15–20 м/с.

Ақмола облысында түнде және таңертең оңтүстік пен шығыста тұман түсіп, солтүстік пен шығыста 3 градусқа дейін үсік болады.

Атырау облысында батыс, солтүстік және оңтүстікте найзағай ойнайды. Оңтүстік-шығыстан соғатын жел екпіні - 15–20 м/с.

Алматы облысында күндіз орталық пен оңтүстікте, таулы аудандарда найзағай ойнайды. Желдің екпіні 15–20 м/с дейін жетеді.

Ақтөбе облысында күндіз батыс пен оңтүстікте желдің екпіні - 15–18 м/с.

Шығыс Қазақстан облысында түнде және күндіз жаңбыр жауып, найзағай ойнайды, шығыста тұман түседі. Желдің жылдамдығы - 15–20 м/с.

Жамбыл облысы күндіз солтүстік пен таулы аудандарда найзағай ойнайды. Таулы аймақтарда тұман түседі, жел екпіні - 15–20 м/с.

Жетісу облысында түнде солтүстік пен орталықта найзағай ойнайды, Алакөл көлдері маңында жел екпіні - 25 м/с дейін.

Батыс Қазақстан облысында найзағай ойнап, тұман түседі. Жел екпіні - 15–20 м/с.

Қарағанды облысында күндіз батыс, оңтүстік және шығыста найзағай ойнайды. Түнде және таңертең тұман түседі. Жел екпіні - 15–20 м/с.

Қостанай облысында күндіз найзағай ойнап, түнде оңтүстікте тұман түседі. Солтүстік-шығыста - 1 градус үсік.

Қызылорда облысы орталық пен шығыста жоғары өрт қаупі сақталады.

Маңғыстау облысында найзағай ойнап, шығыста шаңды дауыл тұрады. Жел екпіні - 15–20 м/с.

Павлодар облысында түнде солтүстікте жаңбыр мен қар жауады. Топырақ бетінде 1 градус үсік жүреді. Жел екпіні - 15–20 м/с.

Солтүстік Қазақстан облысында жел екпіні - 15–20 м/с, түнде солтүстікте 3 градусқа дейін үсік күтіледі.

Ұлытау облысында күндіз найзағай ойнап, жел екпіні - 15–20 м/с дейін жетеді.

Барлық өңір тұрғындарына ауа райына байланысты барынша сақ болуға және алдын ала дайындалуға кеңес беріледі.