Жолаушыларды 8 сағаттан аса күттірген отандық әуекомпания айыппұл арқалады

SCAT әуекомпаниясына жолаушылардың құқығын бұзғаны үшін айыппұл салынды, деп хабарлайды Бас көлік прокуратурасына сілтеме жасаған KAZ.NUR.KZ.

Ведомствоның мәліметінше, осы жылдың 25 ақпанында жолаушылар "Өскемен-Астана" рейсін ұзақ күткен.

"Күндізгі уақытта рейстің кешігуі сегіз сағаттан артық болғанына қарамастан, әуекомпания оларды қонақ үйге уақтылы орналастыруды қамтамасыз етпеген. 

Тек кешкі сағат 22:00-ге қарай кезекші прокурордың араласуынан кейін жолаушыларға демалуға орын берілді. Адамдар күні бойы әуежайда тиісті қызметсіз ұшуды күтті", - делінген хабарламада. 

Шығыс Қазақстан облысының көлік прокуратурасы азаматтардың құқықтарының бұзылуына ден қойған.

Тексеру қорытындысы бойынша әуекомпаниясы әкімшілік жауапкершілікке тартылып, ҚР ӘҚБтК-нің 567-бабының 2-бөлігімен 1000 АЕК мөлшерінде айыппұл салынған.

Мәтіннен қате тапсаңыз, бізге жазыңыз