"Көшпенділер" қалашығына жол салынады

"Көшпенділер" қалашығына жол салынады. Бұл туралы Қонаев қаласы әкімдігінің жолаушылар тасымалы және автомобиль жолдары бөлімінің басшысы Бағдат Алиев айтты.

"Былтыр "Көшпенділер" қалашығына жол салу үшін жобалық-сметалық құжаттары әзірленді. Мемлекеттік сараптаманың оң қорытындысы алынған жағдайда бюджеттік өтінім беріліп, құрылысқа ақша бөлу мәселесі қарастырылады", - деді бөлім басшысы.

Сонымен қатар Бағдат Алиев былтырғы жылғы атқарылған жұмыстарды айтты.

Жолаушылар тасымалы бойынша:

• 9 маршрут бойынша 28 қоғамдық көлік қатынап жатыр. Оның екеуі былтыр сатып алынды. Биыл автобус паркі жаңа 5 көлікпен толықтырылады деп жоспарланған;
• Әлеуметтік маңызы бар маршруттарды субсидиялауға 2024 жылы Қонаев қаласына 602,2 млн теңге бөлінді. Биылға келісімшарт қаңтар айында жасалады.

Автокөлік жолдары:

• Жақсы және қанағаттанарлық жағдайдағы жолдардың үлесі 85%-ға жетті.
• 22 көшеде шұңқырларды жабылды, 9 көшеге жөнделді.
• 8-10-шағынаудандар жолын күрделі жөндеу басталды.
• Morelux демалыс орнына апаратын Речников көшесі жөндеуден өтті.
• Жол қауіпсіздігін қамтамасыз ету мақсатында 700 жол белгісі қойылды, 2000-ға жуық жол белгілерінің тірегі боялды. Бұдан бөлек, 200 шаршы метр жасанды жол дөңес орнатылды.
• 34 жаңа аялдама қойылды.

Кешенді даму жоспары аясында 16 жобаның құжаттары дайындалып, мемлекеттік сараптамаға жіберілді.