Алматы әуежайында жүйеден ақау шығып, рейстер кешікті

Алматы халықаралық әуежайының ішкі рейстер ұшып келетін аймағында қысқа мерзімді ақау салдарынан рейстер кешікті, деп хабарлайды KAZ.NUR.KZ тілшісі.

Әуежайдың баспасөз қызметінің хабарлауынша, бүгін Алматы әуежайының ішкі рейстер ұшып келетін аймағындағы жүйеде қысқа мерзімді ақау шықты.

Осыған байланысты жолаушылар ағыны бір-бірімен араласып кетті.

"Бекітілген қауіпсіздік алгоритміне сәйкес жолаушылар екінші рет тексеруден өтті. Іс-шара жедел жүргізіліп, жалпы кестеге айтарлықтай әсер еткен жоқ. Орташа кешігу уақыты 25 минуттан аспады", - деп хабарлады әуежайдың баспасөз қызметі.

Қазіргі уақытта әуежай қалыпты режимде жұмыс істеп жатыр және қызметкерлер қолайсыздық үшін кешірім сұрады.

Мәтіннен қате тапсаңыз, бізге жазыңыз