Қазақстандықтар Құрбан айтқа орай неше күн демалады

Келесі айда Қазақстанда Құрбан айт мерекесі атап өтіледі, осыған байланысты қазақстандықтарға қосымша демалыс күні беріледі, деп хабарлайды eGov порталына сілтеме жасаған KAZ.NUR.KZ.

"Электрондық үкіметтің" ресми сайтындағы мерекелер мен демалыс күндерінің күнтізбесіне сәйкес, 2025 жылы Құрбан айттың бірінші күні жұма, 6 маусымға сәйкес келеді.

Бұл мереке сенбі немесе жексенбіге сәйкес келсе, ол келесі жұмыс күніне ауыстырылмайды, бірақ жұмыс күніне түссе, демалыс күні болып саналады. Демек, биылғы маусымда қазақстандықтар негізгі демалыс күнінен бөлек қосымша бір күн – жұма, 6 маусым болады.

Осылайша, маусымда қазақстандықтар үш күн қатарынан демалады - 6, 7 және 8 маусым. Дүйсенбі, 9 маусым - жұмыс күні.

Айта кетейік, Құрбан айт мұсылмандардың ең үлкен мерекелерінің бірі.

Ол Ислам дініндегі бес парыздың бірі Меккеге қажылық сапарының аяқталғанын білдіреді.