Бүгін Қазақстан мегаполистерінде жаңбыр жауып, күн 37 градусқа дейін ысиды

Бейсенбі, 22 мамырда Астанада жаңбыр жауады, ал Алматы мен Шымкентте аптап ыстық болады. Ауа райы болжамын "Қазгидромет" сайты ұсынды, деп хабарлайды KAZ.NUR.KZ.

Алматыда бүгін жауын-шашын болмайды. Күндіз термометр бағаны +30+32 градусты көрсетсе, түнде ауа температурасы +16+18 градусқа дейін төмендейді. Желдің жылдамдығы секундына 3-8 метрге дейін үдейді.

Астанада синоптиктер болжамынша, бүгін жаңбыр жауады. Күндіз ауа температурасы +23+25 градусқа жетіп, түнде +11+13 градусқа дейін төмендейді. Желдің жылдамдығы 9-14 м/с болады.

Шымкентте күн ашық, жауын-шашынсыз болады. Синоптиктер аптап ыстық болады деп болжап отыр – күндіз ауа температурасы +35+37 градусқа жетсе, түнде ауа температурасы +18+20 градусқа дейін төмендейді. Желдің жылдамдығы: 8-13 м/с.