Бұршақ, найзағай, 30 градус ыстық: бейсенбіде Қазақстанның ірі қалаларында күн райы қандай болады

Бейсенбі, 5 маусымда Алматы мен Шымкентте күн қатты ысиды деп болжанса, елордада бұршақ жауады, найзағай ойнап, жел күшейеді деп күтіледі, деп хабарлайды KAZ.NUR.KZ "Қазгидромет" РМК-ға сілтеме жасап.

Синоптиктердің болжамынша, Алматыда бүгін жауын-шашын жаумайды, күн ыстық болады. Күндіз термометр бағаны +31...+33 градусқа дейін көтерілсе, түнде +20...+22 градусқа дейін төмендейді. Желдің жылдамдығы секундына 3-8 метр болады.

Астанада найзағай ойнап, бұршақ жауады деп күтіліп отыр, жел соғады, екпіні 20 м/с-қа жетеді, сол себепті елордада дауылды ескерту жарияланды. Термометр бағаны күндіз +23...+25 градусты көрсетсе, түнде +14...+16 градусқа дейінгі температураны көрсетеді.

Шымкентте де аптап ыстық болады деп күтіледі. Күндіз ауа температурасы +35...+37 градусқа дейін жоғарыласа, түнде +22...+24 градусқа дейін төмендейді. Желдің жылдамдығы 8-13 м/с болады.

Мәтіннен қате тапсаңыз, бізге жазыңыз