Марқұм Шерзат Болаттың әкесіне қатысты қылмыстық іс қозғалды ма: Ішкі істер министрі жауап берді

Ішкі істер министрі Ержан Сәденов Шерзат Болаттың әкесі Қаржаубай Нұрымовқа қатысты "қылмыстық іс қозғалды ма, жоқ па" деген журналистердің сұрағына жауап берді. Бұған дейін сот барысында сотталушылардың адвокаттары осындай талап қойған еді, деп хабарлайды KAZ.NUR.KZ.

Ішкі істер министрінен марқұм болған жасөспірімнің әкесі Қаржаубай Нұрымовтың қандай да бір қылмыстық іске қатысы бар-жоғы сұралды.

"Мұндай сауалдарыңызды ресми түрде жолдаңыздар. Жалпы Қаржаубайға қатысты қылмыстық іс жоқ деп айтайын", - деп жауап берді Ержан Сәденов.

Бұған дейін Ішкі істер министрі марқұм Шерзат Болаттың үйінің өртенуі мен оның ағасы Нұрқанат Ғайыпбаевтың өліміне қатысты тергеудің барысы туралы айтқан болатын.

Еске сала кетейік, осы іс бойынша сотталған Дидар Қалиахметтің адвокаты сот жарыссөзінде марқұм Шерзат Болатқа, оның әкесі мен ағасына қатысты Қылмыстық кодекс аясында жеке шешім шығаруды сұраған еді.

Мәтіннен қате тапсаңыз, бізге жазыңыз