Астана күніне орай қазақстандықтар неше күн демалады

Алдағы айда, дәлірек айтқанда, 6 шілдеде қазақстандықтар Астана күнін атап өтеді. Мерекеге орай ел тұрғындары қосымша демалыс алады, деп хабарлайды KAZ.NUR.KZ.

Биыл Астана күні жексенбі, 6 шілдеге сәйкес келеді. eGov сайтында көрсетілгендей, мемлекеттік мереке демалыс күніне (сенбі немесе жексенбі) сәйкес келсе, демалыс күні бір күнге ұзартылады.

Осылайша, дүйсенбі, 7 шілде де демалыс күні болады. Бұл аптасына бес күн жұмыс істейтіндерге ғана қатысты екенін ескерген жөн. Алты күн жұмыс істейтін қазақстандықтар 6 және 7 шілдеде демалады.

Жалпы, шілдеде аптасына бес күн жұмыс істейтін қазақстандықтарды тоғыз демалыс күні күтіп тұр.

Айта кетейік, "Қазақстан Республикасындағы мерекелер туралы" заңға сәйкес 6 шілде – Астана күні мемлекеттік мереке болып саналады.

Мемлекеттік мерекелерге қоғамдық-саяси маңызы бар күндер және Қазақстан Республикасының азаматтары дәстүрлі түрде атап өтетін мерекелер жатады. Мемлекеттік мерекелерді атап өту ресми іс-шаралармен қатар жүруі мүмкін.

Мәтіннен қате тапсаңыз, бізге жазыңыз