Астанада LRT құрылысына байланысты жолдардың бірі толықтай жабылады

Астанада LRT құрылысына байланысты Оңтүстік айналма жолының екі бағытында да көлік қозғалысы толықтай шектеледі, деп хабарлайды CTS-ке сілтеме жасаған KAZ.NUR.KZ.

Көлік компаниясының мәліметінше, 12 шілде сағ. 07:00-ден 14 шілде сағ. 07:00-ге дейін Қабанбай батыр даңғылымен қиылысатын жолайрығы аумағында, Оңтүстік айналма жолының екі бағытында да көлік қозғалысы толықтай шектеледі.

Бұл шектеу LRT құрылысы аясында уақытша металл тіреуді алып тастап, депоға апаратын көпірді сырлау және жол жабындысын қалпына келтіру жұмыстарына байланысты енгізіледі.

Көлік қозғалысы Аэропорт және Арнасай көшесі бағытындағы оң жақ ауыспа жолдар арқылы ұйымдастырылады.

"Алдын ала жүретін бағытыңызды жоспарлауыңызды сұраймыз және уақытша қолайсыздық үшін кешірім сұраймыз. Түсіністік танытқандарыңызға рахмет!", - дейді компания өкілдері.

Посмотреть эту публикацию в Instagram

Публикация от City Transportation Systems (@cts_kz)

Мәтіннен қате тапсаңыз, бізге жазыңыз