Қазақстанда 31 желтоқсан демалыс күні ретінде белгілене ме

Қазақстанда 31 желтоқсан демалыс күні деп жариялануы мүмкін бе? Бұл сұраққа үкіметте өткен брифингте Еңбек және әлеуметтік әріптестік департаменті басқармасының басшысы Шалқар Оразбеков жауап берді, деп хабарлайды KAZ.NUR.KZ.

Брифинг барысында журналист Еңбек және халықты әлеуметтік қорғау министрлігінің өкілдерінен Қазақстанда 31 желтоқсан ресми демалыс күні ретінде белгіленуі мүмкін бе деп сұрады.

Шалқар Оразбековтің айтуынша, бұған дейін бұл сұрақ бірнеше рет қаралған.

"Халықаралық тәжірибені де зерттедік. Ресейді қоспағанда, барлық елде 31 желтоқсан жұмыс күні, 1 және 2 қаңтар демалыс күндері болып саналады. Бүгінде 31 желтоқсанды демалыс күні деп жариялау мәселесі қарастырылып отырған жоқ", - деді ол.

Дегенмен спикер кәсіпорындар акт арқылы сол күні жұмыс күнін қысқарта алатынын немесе 31 желтоқсанды толық демалыс күні деп жариялай алатынын атап өтті.

Мәтіннен қате тапсаңыз, бізге жазыңыз