Қазақ күресінен турнирде мойын омыртқасын сындырып алған жасөспірім көз жұмды

Астанада қазақ күресінен республикалық турнир кезінде ауыр жарақат алған 15 жастағы жасөспірім қайтыс болды, деп хабарлайды KAZ.NUR.KZ Астана қалалық қоғамдық денсаулық сақтау департаментіне сілтеме жасап.

Ведомствоның баспасөз қызметінің хабарлауынша, 2010 жылы туған бала 7 қыркүйекте жарыс кезінде алған жарақатынан кейін Ақмола облысынан санитарлық авиациямен №2 көпсалалы қалалық балалар ауруханасына шұғыл жеткізілген.

Түскен кездегі жағдайы өте ауыр болды, сондықтан жасөспірім бірден жансақтау бөліміне жатқызылды. Қажетті реанимациялық және емдеу шараларының толық кешені жүргізілді. Республикалық мамандардың қатысуымен бірнеше кеңес өткізілді.

"Медицина қызметкерлерінің әрекетіне қарамастан, баланың жағдайы нашарлай берді. 2025 жылдың 15 қыркүйегінде бала қайтыс болды", - деп хабарлады елорданың қоғамдық денсаулық сақтау басқармасы өкілдері.

Мәтіннен қате тапсаңыз,бізге жазыңыз