Жаңбыр, қар, үсік: демалыс күндері Қазақстанда күн райы қандай болады

Синоптиктер 20-22 қыркүйекте ел аумағында ауа райы қандай болатынын айтты, деп хабарлайды "Қазгидромет" РМК-ға сілтеме жасаған KAZ.NUR.KZ.

Метеорологтардың мәліметінше, алдағы үш тәулікте Қазақстанның басым бөлігінде күн райын атмосфералық фронттар айқындайды.

Осыған байланысты жекелеген өңірлерде жаңбыр жауып, найзағай ойнайды, жел күшейеді, бұршақ пен дауыл соғуы ықтимал.

20 қыркүйекке қараған түні еліміздің оңтүстік-шығысындағы таулы аймақтарда жауын-шашын (жаңбыр, қар) күтіледі.

Республиканың бірқатар өңірінде түнгі және таңғы сағаттарда тұман түсуі ықтимал.

Ал температурада айтарлықтай өзгерістер мен ауытқулары күтілмейді, дегенмен республиканың солтүстік жартысында түнгі уақытта 1-3 градусқа дейін үсік жүруі мүмкін.

Мәтіннен қате тапсаңыз,бізге жазыңыз