Астана орталығындағы көшенің бір бөлігінде көлік қозғалысы шектеледі

Астанада жол жөндеу жұмыстары жалғасып жатыр. Қалдаяқов көшесіндегі жолдың бір бөлігі апта соңына дейін жабылады, деп елорда әкімдігіне сілтеме жасаған KAZ.NUR.KZ хабарлайды.

Астана әкімдігінің Telegram-каналындағы ақпаратқа сәйкес, "көлік және жол-көлік инфрақұрылымын дамыту басқармасы" ММ Тәуелсіздік даңғылынан Арыс көпіріне дейінгі учаскеде Ш.Қалдаяқов көшесіндегі жол төсемінің жоғарғы қабатын төсеу бойынша жұмыстар жүргізілгені туралы хабарлады.

"Осыған байланысты ағымдағы жылдың 25-28 қыркүйегі аралығында осы учаскедегі қозғалыс ішінара жабылатын болады. Бұл ретте қозғалыс екі бағытта да тараптардың бірі бойынша қамтамасыз етілетін болады", - делінген ресми хабарламада.

Әкімдік өкілдері елорда тұрғындары мен қонақтарын қала жолдарындағы кептелістерді болдырмау мақсатында өз маршруттарын алдын ала жоспарлауды аскертті.

"Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды сұраймыз", - деді әкімдік қызметкерлері.

Мәтіннен қате тапсаңыз, бізге жазыңыз