Қазақстандықтар бір тәулікте жаңа АЭС-ке 10 мыңға жуық атау ұсынды

Қазақстандағы алғашқы атом электр станциясына атау беру бойынша қанша ұсыныс түскені белгілі болды. Атом энергиясы агенттігінің хабарлауынша, 10 мыңға жуық қазақстандық жаңа АЭС-ке атау ұсынған, деп жазады KAZ.NUR.KZ.

Ведомствоның ресми Telegram-каналындағы ақпаратқа сәйкес, байқау жарияланған күннен бастап, атау ұсынуға 10 мыңға жуық қазақстандық қатысқан.

"25 қыркүйек сағат 12:00-ден 26 қыркүйек сағат 12:00-ге дейін eGov Mobile қосымшасы арқылы Қазақстандағы алғашқы атом электр станциясына атау беру бойынша 9 945 ұсыныс түсті", - деп хабарлады агенттік өкілдері.

АЭС-ке ең үздік атау таңдау байқауы 25 қыркүйекте басталған. Сауалнама eGov Mobile қосымшасында жүргізілуде: басты бетке "АЭС-ке өз атауыңызды ұсыныңыз" атты баннер орналастырылған, ал қолданушыларға байқаудың басталғаны жөнінде push-хабарлама жіберілген.

Бастаманың мақсаты – болашақ станцияға тарихи, мәдени және ұлттық мән-мағынасын айқындайтын атау беру.

Байқауға әрбір қазақстандық қатыса алады. Ол үшін:

тілді таңдау (қазақ немесе орыс тілі);

• атау нұсқасын ұсыну;
• қалаған жағдайда оның мағынасын қысқаша сипаттау;
• байқаудың ресми ережелерімен танысқанын растау қажет.

Ұсыныстарды қабылдау 2025 жылғы 10 қазан, сағат 23:59-ға дейін жалғасады. Байқау ережелерімен Атом энергиясы агенттігінің ресми сайтынан және әлеуметтік желідегі парақшаларынан танысуға болады.

Мәтіннен қате тапсаңыз, бізге жазыңыз