Қызылорда тұрғыны көлікте жалғыз қалдырған үш жасар баласынан көз жазып қалды

Қызылорда облысында полицейлер адасып кеткен үш жасар баланы әкесімен қауыштырды, деп хабарлайды KAZ.NUR.KZ Iшкі істер министрлігінің Polisia.kz порталына сілтеме жасап.

Басылым тілшісінің хабарлауынша, Жаңақорған аудандық полиция бөлімінің учаскелік полиция инспекторы Керимхан Аппазов пен ювеналды полиция тобының инспекторы Бекзатхан Тоханов қоғамдық тәртіпті сақтау кезінде ата-анасының қарауынсыз жүрген үш жасар баланы байқаған.

Полицейлер баланың ата-анасын жедел іздестіре бастаған. Көп ұзамай баласын жоғалтқан әкені тауып, баламен аман-есен қауыштырды.

"Тексеру барысында белгілі болғандай, баланың әкесі жақын маңдағы ғимаратқа кіріп кеткен сәтте бала көліктен түсіп кеткен. Әкесінің көлігінен алыстап кеткен балақай адасып қалған",- делінген ақпаратта.

Қырағылық пен жедел әрекет еткен полиция қызметкерлеріне баланың ата-анасы алғыс білдірді.

Мәтіннен қате тапсаңыз, бізге жазыңыз