Еліміздің 14 өңірінде күн райының бұзылуына орай ескерту жарияланды

"Қазгидромет" РМК 3 қарашаға арналған ауа райы болжамын ұсынды. Синоптиктер күн райының бұзылуына байланысты бірқатар облыстан ескерту жариялаған, деп хабарлайды KAZ.NUR.KZ.

Алматы облысында жел оңтүстік-шығыстан солтүстік-батыс бағытқа ауысады, күндіз облыстың солтүстігінде, оңтүстігінде екпіні 15-20 м/с-қа жетеді.

Атырау облысының батысында, оңтүстігінде тұман болады.

Ақмола облысында жаяу бұрқасын күтіледі. Оңтүстік-шығыстан соғатын жел солтүстікке ауысады, таңертең және күндіз екпіні 15-20 м/с-қа жетеді.

Түркістан облысында оңтүстік-батыстан жел соғады, күндіз облыстың таулы аудандарында 15-20 м/с-қа жетеді. Облыстың оңтүстігінде, батысында, шөлді аудандарында төтенше өрт қаупі сақталады.

Абай облысында оңтүстік-шығыстан соғатын жел оңтүстік-батысқа ауысады, облыстың батысында, солтүстігінде, орталығында 15-20 м/c-қа, күндіз екпіні 23-28 м/с-қа жетеді.

Шығыс Қазақстан облысының батысында, солтүстігінде, шығысында көктайғақ болады. Түнде және таңертең облыстың солтүстігінде, шығысында тұман түседі. Оңтүстік-шығыстан соғатын жел оңтүстік-батысқа ауысады, облыстың батысында, солтүстігінде, шығысында 15-20 м/c-қа, күндіз екпіні 25 м/с-қа жетеді.

Жамбыл облысының оңтүстігінде, таулы аудандарында тұман түседі. Оңтүстік-батыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/c-қа, түнде екпіні 25 м/с-қа жетеді. Облыстың солтүстігінде төтенше өрт қаупі, облыстың орталығында, батысында, шығысында жоғары өрт қаупі сақталады.

Ұлытау облысының батысында, солтүстігінде, шығысында көктайғақ күтіледі. Оңтүстік-батыстан жел соғады, таңертең және күндіз облыстың батысында, солтүстігінде екпіні 15-18 м/с-қа жетеді.

Қостанайда жаяу бұрқасын, көктайғақ болады. Солтүстік-шығыстан, солтүстік жел соғады, екпіні 15-20 м/с-қа жетеді.

Қарағанды облысының батысында, солтүстігінде, шығысында көктайғақ болады. Оңтүстік-шығыстан соғатын жел оңтүстік-батысқа ауысады, күндіз облыстың оңтүстігінде екпіні 15-18 м/с-қа жетеді.

Жетісу облысының таулы аудандарында тұман түседі. Батыстан жел соғады, облыстың солтүстігінде, шығысында екпіні 15-20 м/с-қа, кей уақыттарда екпіні 23-28 м/с-қа жетеді. Түнде облыстың солтүстігінде, орталығында 3 градус үсік жүреді.

Қызылорда облысында жел батыстан соғады, облыстың солтүстігінде күші 15-20 м/с-қа жетеді. Төтенше өрт қаупі, облыстың солтүстігінде, орталығында жоғары өрт қаупі сақталады.

Маңғыстау облысының солтүстік-шығысында, орталығында тұман түседі.

Батыс Қазақстан облысының батысында, солтүстігінде, шығысында тұман болады.

Мәтіннен қате тапсаңыз, бізге жазыңыз