Қазақстанда былтыр мейрамханалар мен кафелер қай өңірлерде көп ашылған

Ұлттық статистика бюросы еліміздегі мейрамханалар мен кафелер санына қатысты мәліметтерді жариялады, деп хабарлайды KAZ.NUR.KZ.

Статистика бюросының дерегінше, 2025 жылғы қаңтар-желтоқсан аралығында Қазақстанда 20 048 орындық 73 мейрамхана пайдалануға берілген.

Аталған нысандардың нақты құны 74,2 млрд теңге болған.

Былтыр мейрамхананың көптеп ашылуы Түркістан (28 нысан) мен Қызылорда облыстарында (8 нысан) тіркелген.

Сондай-ақ осы кезеңде 6 696 орындық 92 кафе іске қосылып, олардың жалпы құны 14,2 млрд теңгеге жеткен.

Өңірлер арасында да былтыр ең көп кафе Түркістан (21 нысан) және Қызылорда (14 нысан) облыстарында ашылған.

2024 жылы ел бойынша 75 кафе пайдалануға берілген.

Сонымен қатар 2025 жылғы қаңтар-желтоқсан аралығында Қазақстанда 1 417 орынға есептелген 14 асхана және 26 орындық 3 жылдам тамақтану кәсіпорны ашылған.

Мәтіннен қате тапсаңыз, бізге жазыңыз