Сара Назарбаева ауруханадан шықты

Опубликовано:Бүгін, 09 ақпан 2026, 11:57

Сара Алпысқызы Назарбаева. Фото: Bobek.kz

Сара Назарбаева Алматы қаласындағы Президент Іс басқармасының Медициналық орталығына қарасты Ұлттық госпитальден шығарылды, деп хабарлайды KAZ.NUR.KZ.

Ұлттық госпитальде жоспарлы ем қабылдаған Сара Назарбаева биыл қаңтарда ауруханадан шығарылып, амбулаториялық бақылауға жіберілген.

Ұлттық госпитальдің баспасөз қызметі пациенттің денсаулық жағдайы, диагнозы, емдеу әдістері және нәтижелері туралы мәліметтерді қоса алғанда, басқа да ақпарат медициналық құпия болып саналатынын және жария етілмейтінін мәлімдеді.

Естеріңізге сала кетейік, былтыр мамырда Қазнетте 85 жасқа қараған шағында Қазақстанның тұңғыш президенті Нұрсұлтан Назарбаевтың зайыбы Сара Назарбаеваның дүниеден озғаны туралы ақпарат тарады.

Алайда сол күні тұңғыш президенттің баспасөз хатшысы бұл ақпаратты жоққа шығарып, оның ауруханада емделіп жатқанын айтты.

Былтыр қазанда тұңғыш президенттің баспасөз хатшысы Айдос Үкібай Сара Назарбаева әлі де Ұлттық госпитальде ем қабылдап жатқанын жеткізді.

Мәтіннен қате тапсаңыз, бізге жазыңыз