Алдағы күндері Қазақстанда 40 градусқа дейін аяз күтіледі

Синоптиктер 24-26 ақпанға арналған ауа райы болжамын жариялады. Қазақстан аумағының басым бөлігінде ауа температурасы айтарлықтай төмендеуі мүмкін, деп хабарлайды KAZ.NUR.KZ "Қазгидрометке" сілтеме жасап.

Метеорологиялық қызметтің мәліметінше, солтүстік-батыс суық антициклоны елдің көп бөлігіне әсер етіп, жауын-шашын тоқтайды, ал суық арктикалық массалардың әсерінен температура төмендейді деп күтілуде.

Тек оңтүстік өңірлерде жауын-шашын түседі деп болжануда, метеорологтардың болжамынша, негізінен жаңбыр жауады және жел күшейеді. Сондай-ақ, көктайғақ пен тұман күтілуде.

Түнде еліміздің батыс өңірлерінде -15-25 градус, елдің солтүстігі мен орталығында ауа температурасы -28-37 градусқа дейін, республиканың шығысында -32-40 градусқа дейін төмендейді, оңтүстікте -0-10 градус болады деп болжануда.

Мәтіннен қате тапсаңыз, бізге жазыңыз