Air Astana БАӘ, Сауд Арабиясы және Қатарға барлық рейсті 10 наурызға дейін тоқтатты

Air Astana Таяу Шығыс елдеріне рейстерді тоқтату мерзімін ұзартты, деп хабарлайды әуекомпаниясының баспасөз қызметіне сілтеме жасаған KAZ.NUR.KZ.

"Air Astana компаниялар тобы Дубай, Жидда, Медина және Дохаға тұрақты рейстерді 10 наурызды қоса алғанға дейін тоқтатады, ал аталған қалаларға билеттерді сату 17 наурызға дейін уақытша тоқтатылды.

Тегін қайта брондау 30 сәуірді қоса алғанға дейін, ал билеттерді қайтару 11 наурызды қоса алғанға дейін қолжетімді", - делінген хабарламада.

Әуекомпаниясының өкілдері Таяу Шығыстағы жағдайды мұқият қадағалап отырғандарын жеткізді.

Мәтіннен қате тапсаңыз, бізге жазыңыз