СІМ Таяу Шығыстан Қазақстан азаматтарын эвакуациялауға қатысты мәлімдеме жасады

Қазақстан Сыртқы істер министрлігі Таяу Шығыстан Қазақстан азаматтарын эвакуациялауға қатысты кезекті мәлімдемесін жариялады, деп хабарлайды KAZ.NUR.KZ министрлікке сілтеме жасап.

Қазақстан Сыртқы істер министрлігі құзырлы мемлекеттік органдармен бірлесіп, Таяу Шығыстан азаматтарымызды қайтару жұмыстарын жалғастырып жатқанын хабарлады.

Ведомство мәліметінше, эвакуация басталғалы бері резидент және резидент емес әуе компанияларының қолдауымен 4700-ден астам қазақстандық елге оралған.

Азаматтарды шығару әуе рейстерімен қатар, жерүсті жолдары арқылы да жүзеге асырылып жатыр. 6 наурызда Қазақстанның шетелдегі мекемелері "Заркух" компаниясының 7 қызметкері – Қазақстан азаматтарының Иран-Армения шекарасына шығуын ұйымдастырды.

"Алдын ала ақпаратқа сәйкес, "Заркух" компаниясы қалған 16 қазақстандықты да осы бағыт бойынша эвакуациялауды жоспарлап отыр. Жалпы Ираннан бүгінге дейін 66 Қазақстан азаматы елге қайтарылды.

Өңірдегі Қазақстанның дипломатиялық өкілдіктері жергілікті жерде іс-қимылдарды үйлестіру жұмыстарын жалғастырып, отандастарымызбен тұрақты байланыста", - делінген министрлік мәлімдемесінде.

Мәтіннен қате тапсаңыз, бізге жазыңыз