СІМ Иран мен Израильден қанша қазақстандық елге оралғанын мәлімдеді
Жарияланған күні:
Сыртқы істер министрлігі Иран мен Израильден қанша қазақстандық елге оралғаны туралы жаңа деректерді жариялады, деп хабарлажйды ведомствоға сілтеме жасаған KAZ.NUR.KZ.
СІМ-нің мәліметінше, бүгінге дейін Таяу Шығыс өңірінен 9926 қазақстандық елге қайтарылған.
"Ираннан Түрікменстан шекарасы арқылы жерүсті бағытымен үш Қазақстан Республикасының азаматы шығарылды. Эвакуация басталғалы бері Ираннан елге 69 Қазақстан азаматы қайтарылды.
Сонымен қатар 68 ҚР азаматы Израильден эвакуацияланды", - делінген хабарламада.
Айта кетелік, бұған дейін министрлік Таяу Шығыстағы бірнеше елден Қазақстан азаматтарын эвакуациялауды аяқтағанын мәлімдеген еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2352957-sim-iran-men-izrailden-qansha-qazaqstandyq-elge-oralganyn-malimdedi/