Ақтөбе облысында былтыр 99 жасөспірім қыз жүкті болып қалған

2025 жылы Ақтөбе облысында 99 жасөспірім қыз жүкті болып қалған. 2024 жылы көрсеткіш 107-ге тең болған. Көпшілігі 17-18 жаста, ал кейбіреуі мектеп оқушылары, деп хабарлайды KAZ.NUR.KZ "Диапазон-ға" сілтеме жасап.

"Туыстары қызының жүктілігі туралы көбінесе кеш біледі. Бұл жаста іш бұлшықеттері дамыған, жастар оверсайз киім киеді, ал жүрек айнуы мен құсу белгілері асқазан проблемаларымен байланысты болуы мүмкін деген ойда болады. Қыздар жүктіліктің 20-21 аптасында ғана дәрігерге келеді", - дейді балалар гинекологы Салтанат Тубылбаева.

Дәрігердің айтуынша, жүкті болған жасөспірімдердің 98 пайызы босанады.

Кейбір жасөспірімдер жүктілікті тоқтатуға мәжбүр.

"Жүктілік болашақ ана мен баланың денсаулығына байланысты әлеуметтік және медициналық себептермен тоқтатылады. Дегенмен егер жүктілік 21 аптадан асса, оны тоқтату мүмкін емес", - дейді Салтанат Тубылбаева.

Оный айтуынша, жасөспірімдер арасындағы жүктіліктің әрбір жағдайын акушер-гинекологтар, генетик, психолог және басқа да мамандардан тұратын комиссия қарайды. Қыздар қатаң бақылауға алынады, себебі жас организмге бала көтеру айтарлықтай ауыртпалық түсіреді. Қыздар бұған физиологиялық тұрғыдан дайын емес. Оларда асқыну қаупі бала туу жасындағы әйелдерге қарағанда екі-үш есе жоғары.

"Балалар салмағы аз болып туылады. Жүктілікке байланысты жас қыздар терең күйзелісті бастан кешіреді – тек құрдастарының ғана емес, ересектердің де сынына, келеке-мазағына және қорлауына ұшырайды. Олармен психолог жұмыс істейді, бірақ отбасының қолдауы өте маңызды. Жағдай осылай болып қалғандықтан, біз балаға көмектесуіміз керек. Сөгіс пен қорлау қыздың көңіл-күйін көтермейді", - деп түсіндірді дәрігер.

Оның айтуынша, қыздардың 97-98 пайызы балаларынан бас тартпайды. Былтыр босанған жасөспірімдердің тек біреуінің баласы уақытша "Үміт" балалар үйіне орналастырылған. Қалған балалар отбасында тәрбиеленуде. Кейбір әжелер баламен бірге болу үшін декреттік демалыс алады, ал қыздарына білімін жалғастыруға мүмкіндік беріледі.

Жүкті жасөспірімдердің көпшілігі Ақтөбе қаласынан, жекелеген жағдайлар аудандарда да тіркелген. 17 жастағылар тұрмысқа шығып жатыр. Былтыр жүкті болған ең жас қыз 14 жаста болған.

Былтыр тек бір жасөспірім мерзімінен бұрын босанған. Олар акушерлік қана емес, неонаталдық және қарқынды терапия қызметтерін ұсынатын жоғары мамандандырылған үшінші деңгейлі клиникада босанады.

Мәтіннен қате тапсаңыз, бізге жазыңыз