"Дереу хабарлаңыз": Астана тұрғындарына краннан жасыл түсті су ағуы мүмкін екені ескертілді

4 сәуірде Астанада жылу желілерін тексеру барысында краннан жасыл түсті су ағуы мүмкін, деп хабарлайды "Астана-Теплотранзитке" сілтеме жасаған KAZ.NUR.KZ.

Компанияның мәліметінше, 2026 жылғы 4 сәуірде жылу желілерінің контурына "Натрий флуоресцеині" (бұдан әрі – Уранин А) органикалық бояғышы жіберіледі.

Бұл шара құбырлардың жасырын ақаулары, су қыздырғыштардың бекітуші арматурасы мен тұтынушылардың жылу желілерінің тығыз еместігі арқылы желілік судың ысырап болуын анықтауға және оларды уақтылы жою шараларын қабылдауға мүмкіндік береді.

"Уранин А адам ағзасы үшін қауіпсіз, ол жылумен жабдықтау жүйесінде бояғыш индикатор ретінде пайдалануға рұқсат етілген.

Бояғышты қолдану құбыр суының сапасына әсер етпейді, алайда оның ыстық сумен жабдықтау жүйесінде (ЫСЖ) пайда болуы су ысытқыштың зақымдалғанын білдіреді. Краннан жасыл түсті ыстық су аққаны байқалған жағдайда, дереу келесі нөмірлерге хабарласу қажет", - делінген хабарламада.

• iKOMEK 109 қызметіне;  
• "Астана-Теплотранзит" АҚ жедел-диспетчерлік қызметіне: 77 12 00, 77  12 11 (тәулік бойы). 

Мәтіннен қате тапсаңыз, бізге жазыңыз