Қарағанды облысында із-түзсіз жоғалып кеткен 13 жасар бала іздестіріліп жатыр

ІІМ Қарағанды облысында жоғалып кеткен 13 жасар Бибарыс Бекнұрұлын іздестіріп жатыр, деп хабарлайды ведомствоға сілтеме жасаған KAZ.NUR.KZ.

Telegram-дағы "ҚР ІІМ жаңалықтары" арнасында жарияланған мәліметке сүйенсек, Қарағанды облысы Абай қаласында 2012 жылы туған Рыс Бибарыс Бекнұрұлы із-түзсіз жоғалып кеткен.

Жасөспірім 1 сәуір күні үйінен шығып, қайта оралмаған.

Жеке мәліметтері: Жасы – 13-те. Бойы шамамен 150-155 см, дене бітімі орташа. 7-сынып оқушысы.

Үстіне қара күртеше, қызғылт сары футболка, қара шалбар және аяғына жасыл түсті аяқ киім киген.

Қазіргі уақытта полиция іздестіру жұмыстарын жүргізіп жатыр.

"Полиция жасөспірімнің жүрген жері туралы қандай да бір ақпарат болса, 8-707-444-07-74, 8-705-311-78-53 нөмірлеріне немесе "102" арнасына хабарлауды сұрайды.

Тәртіп сақшылары кез келген ақпарат маңызды екенін ескертіп, азаматтарды бейжай қалмауға шақырады", - делінген хабарламада.

Мәтіннен қате тапсаңыз, бізге жазыңыз