Қазақстанда қолайсыз күн райына байланысты бірнеше автожол жабылды

Күн райының күрт бұзылуына байланысты Қазақстанның төрт облысындағы автожолдарда көлік қозғалысына уақытша шектеу енгізілді, деп хабарлайды "ҚазАвтоЖолға" сілтеме жасаған KAZ.NUR.KZ.

"ҚазАвтоЖол" ҰК" АҚ Telegram-дағы арнасында жарияланған мәліметке сүйенсек, 17 сәуірде таңғы сағат 7:30-да Қазақстанның екі аймағында көліктің барлық түрі үшін мынадай тас жолдар жабылған:

• Ұлытау облысында – "Қызылорда-Жезқазған-Қарағанды-Шідерті" автожолының 433-788 шақырымы аралығы (Жезқазған қаласынан Қарағанды облысының шекарасына дейін);
• Қарағанды облысында – "Қызылорда-Жезқазған-Қарағанды-Шідерті" автожолының 788-906 шақырымы аралығы (Ұлытау облысының шекарасынан Топар ауылына дейін).

Жоларды 17 сәуір сағат 11:30-да ашу жоспарланған.

Сондай-ақ Абай облысында 09:00-ден бастап келесі республикалық маңызы бар автожолдарда көліктің барлық түрі үшін уақытша шектеу енгізілген:

• "ҚХР шекарасы – Майқапшағай – Қалбатау – Семей – Павлодар – РФ шекарасы" автожолының 756-906 шақырым аралығы (Семей қаласы – Қалбатау ауылы);
• "Алматы – Талдықорған – Өскемен – Шемонаиха – РФ шекарасы" автожолының 778-967 шақырым аралығы (Аягөз қаласы – Қалбатау ауылы).
• "Алматы – Талдықорған – Өскемен – Шемонаиха – РФ шекарасы" автожолының 971-1013 шақырым аралығы (Қалбатау ауылы – Шығыс Қазақстан облысының шекарасы);
• "Өскемен – Семей" автожолының 103-198 шақырым аралығы (Шығыс Қазақстан облысының шекарасы – Семей қаласы);
• Сағат 10:00-ден бастап "ҚХР шекарасы – Майқапшағай – Зайсан – Қалбатау – Семей – Павлодар – РФ шекарасы" автожолының 910-1002 шақырым аралығындағы учаскесінде (Қалбатау ауылы – Көкпекті ауылы).

Жолдарды 17 сәуір сағат 14:00-15:00-де ашу жоспарланған.

Сонымен қатар сағат 09:00-ден бастап ШҚО-да келесі автожолдарда жүк және қоғамдық көліктердің (жазғы дөңгелекпен жабдықталған барлық көлік үшін) қозғалысына уақытша шектеу қойылған:

• "Өскемен – Семей" автожолының 12-45 шақырым аралығы (Казачье ауылы – Таврия ауылы);
• "Өскемен – Семей" автожолының 48-103 шақырым аралығы (Таврия ауылы – Абай облысы шекарасы);
• "Өскемен – Риддер – РФ шекарасы" автожолының 0-105 шақырым аралығы (Өскемен қаласы – Риддер қаласы);
• "Өскемен – Алтай – Үлкен Нарын – Катонқарағай – Рахман қайнары" автожолының 7-166 шақырым аралығы (Ушановское ауылы – Алтай қаласы);
• "Алматы – Талдықорған – Өскемен – Шемонаиха – РФ шекарасы" автожолының 1089-1191 шақырым аралығы (Өскемен қаласы – Алтай қаласы);
• "Алматы – Талдықорған – Өскемен – Шемонаиха – РФ шекарасы" автожолының 1013-1062 шақырым аралығы (Абай облысы шекарасы – Рубеж кенті).

Жолдарды 17 сәуір сағат шамамен 14:00-де ашу жоспарланған.

Мәтіннен қате тапсаңыз, бізге жазыңыз