Сәуірдің соңғы күндері Қазақстанда үсік, бұршақ және ауа температурасының төмендеуі күтіледі

Синоптиктер 25-27 сәуір аралығында ел аумағында күн райы қандай болатынын айтты, деп хабарлайды "Қазгидромет" РМК-ға сілтеме жасаған KAZ.NUR.KZ.

Метеорологтардың мәліметінше, Қазан аудандарындағы циклон ойысы Қазақстан аумағы арқылы жылжып, алдағы күндері тұрақсыз күн райын қалыптастырады.

Республиканың көптеген өңірінде найзағай, жаңбыр, солтүстікте қар аралас жауын-шашын күтіледі.

Жекелеген аймақтарда бұршақ жауып, екпінді жел тұруы мүмкін. Сондай-ақ республика бойынша түнгі және таңғы сағаттарда тұман түсуі ықтимал.

26 сәуірде батыс және солтүстік-батыс өңірлерде, 27 сәуірде солтүстік, шығыс және орталық аймақтарда түнгі уақытта ауа температурасы -2°C-қа дейін төмендеп, үсік жүруі мүмкін.

Күндіз уақытта:

• солтүстікте +10…+15°C-қа дейін;
• орталықта +10…+18°C-қа дейін;
• шығыста +7…+20°C-қа дейін;
• оңтүстікте +15…+25°C-қа дейін ауа температурасы төмендейді.

Батыс өңірлерде температура біртіндеп +7…+15°C-тен +15…+20°C-қа дейін көтеріледі.

Мәтіннен қате тапсаңыз, бізге жазыңыз