Жел, нөсер жауын: 27 сәуірде Қазақстан өңірлерінде ауа райы қандай болады

Қазгидромет синоптиктері 27 сәуірде Қазақстанның 16 облысында ауа райы бұзылатынын ескертті, деп хабарлайды KAZ.NUR.KZ.

Астанада кей уақыттарда тұман күтіледі. Түнде топырақ бетінде 1 градус үсік болады.

Алматыда күндіз жаңбыр, найзағай күтіледі. Желдің екпіні 15 м/с. Іле Алатауының таулы аймақтарында (Медеу және Бостандық аудандары) күндіз жаңбыр, кей уақытта нөсер жаңбыр, найзағай, бұршақ, дауыл күтіледі. Жел екпіні 18-23 м/с.

Алматы облысында күндіз оңтүстігінде және таулы аймақтарында жаңбыр, найзағай күтіледі. Таулы аудандарда кей уақытта қатты жаңбыр, бұршақ, дауыл болады. Жел облыстың орталығында, шығысында және таулы аймақтарында 18-23 м/с.

Қонаевта желдің екпіні 18-23 м/с.

Шымкентте күндіз жел 15-20 м/с.

Түркістан облысында батысында, солтүстігінде, таулы және тау бөктеріндегі аудандарда жел 15-20 м/с.

Абай облысында түнде батысында және солтүстігінде жаңбыр, найзағай, күндіз шығысында және оңтүстігінде жаңбыр, найзағай. Жел түнде батысы мен солтүстігінде 15-20 м/с. Облыстың орталығында жоғары өрт қаупі сақталады.

Семейде түнде желдің екпіні 15-20 м/с.

Ақмола облысында батысында, солтүстігінде және шығысында тұман күтіледі. Жел түнде солтүстігі мен шығысында 15-20 м/с. Түнде оңтүстігі мен шығысында 3 градус үсік болады.

Маңғыстау облысында күндіз батысында, оңтүстігінде және орталығында жаңбыр, найзағай. Батысында, солтүстігінде және орталығында шаңды дауыл. Жел 15-20 м/с.

Шығыс Қазақстан облысында түнде жаңбыр, күндіз шығысында және оңтүстігінде жаңбыр. Солтүстігінде, шығысында және оңтүстігінде найзағай. Жел түнде солтүстігінде 15-20 м/с. Облыстың оңтүстік-шығысында жоғары өрт қаупі сақталады.

Қызылорда облысында күндіз оңтүстігінде, солтүстігінде және орталығында шаңды дауыл. Жел 15-20 м/с.

Батыс Қазақстан облысында күндіз батысында, солтүстігінде және орталығында жаңбыр, найзағай, бұршақ. Жел 15-20 м/с, кей уақытта 23 м/с.

Мәтіннен қате тапсаңыз, бізге жазыңыз