Алдағы күндері кей жерлерде 34 градусқа дейін ыстық болса, кей жерлерде үсік, бұршақ күтіледі

Синоптиктер 28-30 сәуір аралығында Қазақстанда күн райы қандай болатынын болжады, деп хабарлайды "Қазгидромет" РМК-ға сілтеме жасаған KAZ.NUR.KZ.

Метеорологтардың мәліметінше, алдағы күндері республиканың басым бөлігінде күн құбылмалы болады: жаңбыр жауады, найзағай ойнайды.

Оңтүстік-шығыстың таулы аудандарында түнгі уақытта жауын-шашын күтіледі. Кей жерлерде бұршақ жауып, екпінді жел соғуы мүмкін. Түнгі және таңғы сағаттарда тұман түсуі ықтимал.

Жалпы жауын-шашынсыз күн райы солтүстік және орталық, оңтүстік (28-29 сәуірде) және шығыс аймақтарда (29-30 сәуірде) күтіледі.

Республиканың оңтүстік-батысында және оңтүстігінде шаңды дауыл тұруы мүмкін. Түнгі және таңғы сағаттарда республика бойынша тұман түсуі ықтимал.

Батыста, солтүстік-батыста, солтүстікте, шығыста, сондай-ақ 28-29 сәуірде елдің орталығында түнгі уақытта 3°С-қа дейін үсік жүруі ықтимал.

Күндіз республика бойынша ауа температурасы біртіндеп жоғарылайды:

• батыста +15...+20°С-қа дейін;
• солтүстік-батыста +17...+25°С-қа дейін;
• солтүстікте +21...+26°С-қа дейін;
• орталықта +21...+30°С-қа дейін;
• шығыста +19...+27°С-қа дейін;
• оңтүстікте +25...+34°С-қа дейін;
• оңтүстік-шығыста +22...+27°С-қа дейін.

Мәтіннен қате тапсаңыз, бізге жазыңыз