Алматы көшелерінің бірінде көлік қозғалысына уақытша шектеу енгізіледі

Алматыдағы Рысқұлбеков көшесінің бір бөлігі екі күнге жуық уақытқа жабық болады. Шектеулер жол жөндеу жұмыстарына байланысты енгізіліп жатыр, деп хабарлайды KAZ.NUR.KZ "Алматы жолына" сілтеме жасап.

Рысқұлбеков көшесінің бір бөлігінде орташа жөндеу жұмыстарына байланысты көлік қозғалысына уақытша шектеу енгізіледі.

Осыған байланысты 13 мамыр сағат 08:00-ден 14 мамыр сағат 23:00-ге дейін Саин көшесінен Мұстафин көшесіне дейінгі аралықта қозғалыс толық жабылады.

"Жөндеу жүргізілетін аумақта ескерту белгілері мен мердігер ұйым басшысының байланыс дерегі көрсетілген ақпараттық тақта орнатылады. Тұрғындардан бағытын алдын ала жоспарлауды сұраймыз", - делінген "Алматы жолы" хабарламасында.

Мәтіннен қате тапсаңыз, бізге жазыңыз