Синоптиктер жазда Қазақстанда 45 градусқа дейін ыстық болады деп болжап отыр

Синоптиктер 2026 жылдың жазына арналған ауа райы болжамын жариялады. Еліміздің кей өңірлерінде температура нормадан жоғары болады, деп хабарлайды KAZ.NUR.KZ "Қазгидрометке" сілтеме жасап.

Синоптиктердің болжамына сәйкес, маусымда айлық орташа ауа температурасы мынадай болады деп күтілуде:

• республиканың көп бөлігінде қалыпты температурадан 1-2 градусқа жоғары;
• шығыс аймақтарда нормаға жақын;
• елдің солтүстік-батысында қалыптан төмен.

"Күндізгі температура 30-38 градустан 15-20 градусқа дейін ауытқиды деп күтілуде. Сонымен қатар республиканың оңтүстік бөлігінде кей күндері температура 40-45 градусқа дейін жетуі мүмкін.

Ыстық күндерден кейін салқын күндер келіп, нөсер жаңбыр, найзағай, бұршақ және дауылмен жалғасады. Алғашқы он күнде республиканың солтүстігі мен шығысында, сондай-ақ оңтүстік-шығыстағы таулы аймақтарда түнде және таңертең үсік жүруі мүмкін", - деп хабарлады Қазгидромет өкілдері.

Шілдеде күн ыстық болады деп күтілуде, температура қалыпты шекте болады.

Жаздың соңғы айы – тамызда еліміздің көп бөлігінде дерлік ыстық болады деп күтілуде, температура қалыптан 1-2 градусқа жоғары болады деп болжануда, тек республиканың оңтүстік-шығысында ғана температура қалыпты шамада болады деп күтілуде.

Жазда республиканың көп бөлігінде орташа деңгейде жауын-шашын күтіледі, ал әдеттегіден аз жауын-шашын келесі өңірлерде болуы мүмкін:

маусымда – оңтүстік-батыста, елдің солтүстігі мен орталығының жекелеген аудандарында;

шілдеде - республиканың батысында, оңтүстік-батысында, оңтүстігінде және оңтүстік-шығысында.

Мәтіннен қате тапсаңыз, бізге жазыңыз